想安靜 , 想休息 , 想放假 , 甚至想要一位心理醫生 ......

由年三十晚病到而家, 足足一個星期 , 新一年既開始就咁 , 真係大吉利是啊!!! 由於唔想睇醫生 , 食西藥既關係 , 只好在家中不斷休息 , 等佢慢慢好番啦!!

究竟有幾多個男人真係可以由始專一至結尾??? 有幾多人真係可以完完全全去承擔一切??? 男同女諗既野真係好大分別 !! 可能而家自己有左BB, 所以成日都亂諗野 !!

7個月了 , 天天看著自己個肚不斷不斷膨脹起來 , 好緊張 , 每天臨睡前總會抽一時段時間望著肚皮跳動既情況 , 真的很奇妙!!

年初九就要返工了 , 好怕自己唔慣又要早起身 , 又要辛苦了。

剛剛星期六 (17/1) 去完 Dr. Alice Fung 到覆診 , 都好健康呀 , 我自己既磅數都一路keep住 , 唔好再重啦 , 自己都好開心見到仔仔肥左好多 , 塊面都肥嘟嘟啦 , 隻手仔d手指都好肥嘟嘟 , 真係好開心 , 雖然自己都肥左好唔鍾意 , 不過見阿仔都健健康康 , 營養吸收得咁好 , 我都無所謂啦 !!!

Ms. Tam 呢個星期都會請假 , 不過所有野都安排好 , 都無咩問題 , 反正我同學生們既心情都去左放新年假度囉 , 哈哈 , 一想起放假至初八就好得興奮!!!

手指肥嘟嘟 , 塊面都脹卜卜 , 哈哈 , 手仔要遮住個樣 , 唔俾你睇呀!!

每一天既生活仍然非常枯燥 , 返工 , 放工 , 返屋企 , 有時放早d想行下街 , 但有心無力 , 而且一想到之後阿仔出世要用好多錢 , 自己都唔敢亂買野。唉......點樣先可以令自己既生活開心d呢??? 真係一大個問號。

好快就到新年啦 , 以前見到大口仔暉春都好想狂買 , 貼滿間屋 , 但係今年都無咁多精力了, 個肚越大 , 個人就越攰 , 好唔想走動 , 有時個腦更加唔想諗野 , 好彩學生考完試 , 如果唔係 , 我真係無力再同佢地一齊打仗。